سينما ومسرح
تحية لزياد أبو عبسي
إلى زياد أبو عبسي في رحلته الأخيرة…
فتح فردة خيالو
وفات
نسي يطفي سراج النعس
بسرعة مشي
حامل معو زيت الزمن
ترك ترتيب الوقت والكِلمات
وزاح من دربو المسافات
مشي بلا هندسي
للأيام
بين صلاة التراويح والمسبحة
ما خبّر حدا تينطروا
بينو وبين نفسوا قال
أنا مش مطوّل أساسا هون
مسح بإيدو ع زنبقة العطر
وضمّا لصدرو
وغاب
ناس قالوا بسرعة اختفى
قلال اللي قالوا مات.
